Pacak Salah Gune Anggaran Negara Dirugikan

Gad : Kemane mat ne ok, dak Keliat batang hidung e ? ditelpon dak diangkat, WA dak dibales.

Dak lame Gad begaduh, Mat muncul

Mat : Haaaalllo Gad ape kabar, he he he..!

Gad : kemane ka ne Mat lah lame dak bekabar ne?

Baca juga:

Sejumlah Anggota DPRD Bangka Tengah Tinggalkan Ruang Saat Pidato Kenegaraan, Ini Alasannya

Mat : Sude kite telusuri tindak lanjut tragedi Matras tu, Ku di Pangkalpinang kerumah seperadik baru pindah rumah.

Gad : oh … Pantes dak Keliat batang hidung e.

Mat : Tadi dijalan ku nek kesini, ketemu mang Afuk baru nek pegi ngelimbang. Die nanyak soal anggota dewan salah gune Anggaran transportasi tu.

Baca juga:

Kecelakaan Beruntun di Perlang, Dua Pengendara Motor Tewas, Sopir Truk Luka Berat

Gad : terus ka ngumong ape kek mang Afuk?

Mat : ku bilang mang afuk, lah ditindak Kejati dan tengah proses, tadi mang afuk ngumong kalok salah gune biar die pacak gune duit tu, pasti dak salah gune ha ha ha…..!

Gad : ha ha ha ha pacak mang Afuk ok, ku bace berita online Kejati lah ngitung kerugian negara.

Baca juga:

1.389 KPM di Bangka Tengah Terindikasi Judol, Bansos Kemensos Dihentikan Sementara

Mat : Aok nian Kejati lah ngitung kerugian negara,Tapi masuk akal Kate mang Afuk tu, anggota dewan salah satu Tufoksi e soal anggaran.

Gad : Bener Mat , macem mane pacak salah gune anggaran ? Padahal diorang tu piawai soal anggaran he he ……he!

Mat : nah kite tunggu Kejati ngitung kerugian negara macem mane hasil e, semoga kedepan ni negara dak rugi agik.

Gad : bener Mat selame ni negara rugi terus ancok gawe ne.

Mat : Yo liputan kemane hari ni?

Gad : Kite konfirmasi soal salah anggaran tu lah.

Mat : oke tancap gas !