Kelakar Mat dan Gad : ” Ketangkep Nyelundup Pasir Timah Banyak, Tapi Jarang Sampai Sidang ok”
MAT : Bace berita online banyak orang Nyelundup pasir timah ketangkep, Lum lame ni di Air Kantung 8 ton timah ketangkep.
MAT : Banyak duit ok Mane timah harge e mahal, ape agik di Singapura, Malaysia Mun di tuker ke rupiah sekarung duit e.
MAT : Ngape ku ni ngumong surang ha ha ha , along kerumah mang Gad Luk
Menggunakan kendaraan roda dua mang MAT langsung menuju kediaman mang Gad.
Space Iklan/0853-1197-2121
Baca juga:
MAT : Asalamualaikum Gad…. Oh ….Gad, agik ka Gad?
GAD : Walaikumsalam bising g ka ne Mat, ape kisah ne?
MAT : He he….! Kisah duit ne Gad. Kite bedue ni kalok soal duit hanya bekisah duit orang bai ha….ha…!
GAD: Ha..ha….ha Mun kite bedue ni duit takut kek kite ha….ha….! Yo ape kisah ni.
Space Iklan/0853-1197-2121
MAT: Ku ni mengamati pemberitaan banyak urang Nyelundup pasir timah ketangkep. Nah ka sadar dak ase ku jarang yang ketangkep sampai sidang ok? Tapi ku ni bukan pengamat profesional ha…ha…ha..!
GAD : Bener lah Kate ka Mat, perasaan jarang sampai sidang ? Boleh juga pengamatan ka ni .
GAD : Kalok dipikir Nyelundup tu merugikan negara ok? ape kite bai yang dak update informasi.
MAT : Boleh jadi kite dak update informasi, tapi setau ku jarang naik sidang.
GAD : Ade care Mat kelak kite cube tanya Kejaksaan, apakah ade pelimpahan perkara Nyelundup ni. Macem penangkapan timah 8 ton di Air Kantung macem mane kejelasan tindak lanjut e?
MAT : Nah bener tu ha…ha…ha…! Ngumong – ngumong Ade duit dak pinjem 100 ribu ha….ha…..!
GAD : ha…ha… ni lah yang ku dak sanggup kek ka ni Mat, sudah bekisah duit akhir minjem duit.
MAT : Ha…..ha…..biase lah agik buntu nj , kek beli Rukok.
Mungkin Suka Ini juga:
