“Jangan Sampai Pilkada di Ulang”

Mang Gad : Lah due hari dak ningok mang Mat , entah kemane beliau tu. Bace berita pilkada Bangka baru pasangan MAPAN yang daftar.

Mang Mat : Asalamuallaikum ape gawe mang Gad? Ningok raut wajah ne tengah mikir ape?

Mang Gad : Waallaikumsalam ! Baru lah ku nyebut ka Mat lah due hari dak ketingok batang hidung e. Kemane Mat?

Mang Mat : Due hari ni ku keliling Gat ketemu warga, nanyak soal paham dak warga kotak kosong he he he !

Baca juga:

Ubur Ubur Ikan Lele Jadi Tren Unik di Media Sosial

Mang Gad : Rajin g ka Mat, sude tu ape kate warga?

Mang Mat : Nah sejumlah warga ade yang ngerti ade yang dak? Biase lah name g warga. Jadi ku sampaikan ke warga walaupun paslon tunggal jangan dak datang ke TPS, rugi kite lah.

Mang Gad : Pacak rugi Mat macem mane kisah tu?

Baca juga:

Stevan Pasaribu Bius Ribuan Masyarakat Bangka

Mang Mat : Rugi lah Gad, cube ka fikir kalok warga dak gunakan hak pilih e atau menang kotak kosong, Pilkada diulang lah nambah biaya ulak.

Mang Gad : emang berape g Mat biaya Pilkada Kabupaten Bangka tahun 2024 ni?

Mang Mat : ni lah ka ne Gad, dak ape lah tau info e. Biaya pilkada kabupaten Bangka Rp.43.285.298.000. kalok pilkada diulang agik, harus nyiap dana sebesar pilkada pertama.

Baca juga:

Mat Kabar e Perambah Hutan Lindung & Produksi Parit 40 Tengah Dibidik

Mang Gad : Besak lah dana pilkada kite ni Mat ok? Cube kite bedue nyalon Mat ha ha ha ha ha !

Mang Mat : auk pasti menang kite Gad ha ha ha ha menangis .

Baca juga:

Tiga Senior DPD KNPI Bangka, Apresiasi Kegiatan Festival Sumpah Pemuda