Scroll untuk baca artikel
Bangka Belitung

Men Kata pok Perusahaan Naungi TI Selem Matras Diproses Hukum Dak?

119
×

Men Kata pok Perusahaan Naungi TI Selem Matras Diproses Hukum Dak?

Sebarkan artikel ini
IMG 20220726 WA0002

Gad : Mat apa kabar pok ?

Mat : Kabar nak mari lah agik e, agik maken nasi laok kicap ha ha ha .

Gad : ha ha ha, banyek besukor idup ne mat, ngumong – ngumong lah tau lum nak mana kelanjutan tragedi Matras ?

Mat : nah Gad tadi ko bace berita pihak Kapal Isap Produksi lah bantu santunan duit untuk keluarga korban.

Gad : Alhamdulillah lah pon, ade perhatian e !

Mat : Menurot fikiran pok, Perusahaan naungi TI Selem Matras diproses hukum dak?

Gad : entah ge mat ok, Kate urang kuat perusahaan ya, musem ne kadang – kadang hukum ne, mirip pelampong kita mancing.

Mat : Maksud e macem mana Gad?

Gad : pok tengong asal kita mancing ya, asal detarik ikan tenggelem pelampong e, kadangnya timbul agik ha ha ha …!

Mat : judul e timbul tenggelem ok?

Gad :ha ha ha Lum Ade judul mat, Pinak e kita tengong bi nak mana kelanjutan e?

Mat : men dek apa gawi along nyanting deket ponton TI Matras ya.

Gad : ha ha lah banyek urang nyanting mat, dek kebagi kek kita.

Mat : nyanting Paser putih Maksud ko ya ha ha ha .

Gad : ha ha ha ha !

Mat : Yo kita ke umah ko, ngiluk kupi along.

Gad : Yo lah.